細路哥喺兒童節梗係放假去玩最happy，何解超過100位中、小學生，連同家長同老師，竟然喺呢日去咗禮賓府咁苦？唔通要抗議，不滿教育局局長吳克儉好唔掂？噢，八方又諗多咗嘞！原來佢哋係獲特首梁振英接待入府，分享喺種植、處理廚餘同綠色廢物嘅經驗，仲有唔少學生同佢selfie。
CY喺fb上載相片同短片，佢同小朋友講，食飯要食晒唔好有廚餘，雞骨則可以攞去施肥，然後叫小朋友望望四周啲樹葉，話啲樹葉同草可以打碎，之後用嚟施肥，又話少啲廚餘就可以避免堆填區爆棚。唔知CY有冇同時分享埋樹葉其實仲有另一個用途？就係遮住狗仔嘅便便，堆落樹底就可以變成有機肥料呢？