從前的閱兵是對武裝部隊進行檢閱，今時今日的「閱兵」就相對簡單，只要女士滑着手機，逐個瀏覽通訊錄上的男士便可，既簡單又方便。
家住北角半山的Aries收兵無數，「閱兵」為她帶來虛榮，也帶來不少來自觀音兵的金錢和禮物；無論她交了幾多個男友，甚至與高級公務員男友Patrick快將結婚，「閱兵」習慣依舊不變。「你搵咗銀行做pre approval未？今晚得唔得閒食飯？」「未呀，請咗聽日假去搞，今晚有meeting要開，陪唔到你喇，聽日先啦。」他們打算購買何文田新樓自住，原因很簡單：名校網、沙中線、豪宅配套，加上前公屋地變超級豪宅的虛榮感。
「喂！Simon，今晚得唔得閒飲酒呀……」無仔不歡的Aries透過「閱兵」搵咗一位男士陪她飲酒，二人酒醉後在Aries家同睡，豈料Patrick剛收工，並買花到Aries家，打算給個驚喜。「真係天意！咁多年來你不斷咁畀綠帽我戴，我都忍你！如果唔係要借錢幫阿爸還債，我一早同你分手喇！」「你咪屈我！我同佢由中學識到𠵱家，只係好朋友，今日佢失業冇晒心機，我先陪吓佢！」「上星期我已經見到你同佢飲醉上咗酒店喇！呢鋪人贓並獲仲唔斷正？本來我都唔想買樓住，諗住個市仲要跌多起碼兩三成，睡房仲要好難放床放櫃，係你堅持要買我先同你去睇！好喇！𠵱家我都唔使再夾硬籌錢畀首期喇！」「老公！我同佢真係冇嘢㗎……」。
這個故事教訓大家「閱兵」也要睇情況，快結婚或已結婚的，都應該避忌下。
地產小子
http://propertykids.blogspot.hk/