【本報訊】全國人大常委范徐麗泰斷言港獨主張「冇可能」，而且會「將香港帶入去一個絕路」，例如中央會調整優惠香港的政策。不過她亦認為港獨思潮之所以冒起，港府亦有責任，強調港府需要反思。此外，她亦批評泛民搞亂香港，只會令特首梁振英的連任機會增加。
令梁連任機會增加
提倡港獨的香港民族黨成立僅一周左右，中央政府、港府、內地官媒以至本港親北京陣營接連發炮。范太接受有線電視訪問時亦加入批評，她指出憲法和《基本法》均不容許港獨，相信中央和內地十多億同胞亦不容許，強調「如果你要行呢條路，你只係將香港帶入去一個絕路」，「害死自己，又得唔到你自己想愛嘅嘢」。
她相信中央對待港獨主張只會出口、不會出手，會交由港府依法處理，但不排除事情再鬧大，中央會調整惠港政策。她以亞投行為例，指香港正爭取亞投行在港設分行，「但係如果大家都反對你（中央）用香港嘅時候，咁佢（中央）可能考慮退而求其次，用前海啦」，令香港失去大好機會。
她又提到，港府對港獨思潮冒起有責任，「如果你用一個好強硬嘅形態去話佢（港獨）係錯嘅，有陣時仲會激起一啲本來都唔係想行呢條路嘅人」，「所以真係為咗香港，我諗真係政府係需要反思」。最後她亦不滿香港的情況越來越亂，例如發生暴亂、要求港獨、議會內無法審議議案等，直指「呢啲所謂嘅民主派搞到香港立立亂，其實只係會令到現任行政長官連任機會提高」。
■記者呂浩然