剛周四夜馬後，騎師返到屋企，吃點東西，然後只瞓得兩三個鐘，就要落晨操開工，當然唔好受，所以説每種職業都有樂與苦。
記得周五排位朝7點半左右，當時周日(3日)各場檔位仲未公佈，冠軍騎師雷神莫雷拉一時心急，唔記得排位表朝早9點左右先出爐，他問記者：「知唔知『奮鬥雄心』排第幾檔？」記者當然唔知，雷神再說：「希望隻馬今次排位有運啦！」
咦，雷神咁講似係心中有馬喎！
「奮鬥雄心」周日跑第六場四班1600米，呢匹馬上場重返四班作賽重配雷神，即成為大熱，不過當日排12檔，沿途焗住三四疊蝕位，加上場地偏慢，對後上馬不太有利，結果只得殿軍，今仗抽到五檔，遠比上仗好，相信雷神都鬆一口氣。
「奮鬥雄心」季初曾配雷神熱倒，翌仗喺四班排四檔，即交出強橫後勁取勝，今次形勢同嗰場差唔多，都係由雷神大熱落第後，佢依然繼續肯騎，睇怕真係有機會歷史重演。