【本報訊】亞視真熄機，一班新聞部前員工於亞視拼搏的回憶，卻難以按掣取消。有員工對亞視弱勢，同事們仍拍膊頭甘願做好工作，克服資源問題；上司們亦親力親為，對於亞視黯然落幕均感難受。
於亞視工作7年，曾任採訪主任的徐佩瑩指亞視同事感情較融洽，因資源短缺，「大家兄弟班，大家一人走多步，我先走得夠快」。徐亦曾於無綫電視工作，她指兩公司員工有分別，「入無綫你知道係人強馬壯……（喺）亞視你係要諗點克服資源短缺」。
詹瑞慶屢創新節目
徐佩瑩特別感謝任職期間，兩位新聞總監包雲龍及詹瑞慶，前者於六四事件期間親身到北京指揮採訪工作；後者則屢創新節目，如清談節目《龍門陣》，「當年《今日睇真D》據講佢有提建議，但最終冇喺新聞部做，佢好嬲。」
曾任亞視新聞總監兼高級副總裁關偉，70年代初曾於麗的映聲工作3年，1999年底重回亞視。他指亞視因為人手少，不只新聞部，連對外與其他部門溝通亦較多，同事互相照應。但他自爆當年上班首天，才被老闆封小平告知要開記者會，宣佈由藝人何守信及朱慧珊擔任主播讀新聞，關認為做法不專業，「直情成個彈起……嗰陣個心好亂，曾經有個時期真係諗……（返一日工就唔返？）係嘞！」最終他「啃下」這件事，帶領亞視8年。
■記者蕭洛汶