【本報訊】「求救，已簽咗幾萬蚊，但次次都book唔到！點算好？」「又中伏……俾人碌咗4萬幾蚊」，最近數月網上充滿對美容公司的投訴，當中不少是針對不良營銷手法。不少美容中心看準顧客貪便宜、怕麻煩、羞於當面拒絕的心理，用一些壓迫式推銷手法哄騙她們上當，受害人在被騙後雖然又羞又怒，但又怕被親人知道，故大多只在網上訴苦。facebook群組如「香港美容黑店」已有68名苦主公開黑店名字，甚至詳述被騙經過，只望不再有姊妹受騙。「希望海關加強打擊美容黑店」，受害人穎穎道出了不少苦主心聲。
「做facial喺耳邊不斷sell」
穎穎對記者說，她的噩夢於去年10月開始，「最初試買咗一萬元嘅美容套餐，但第二次上去做facial已有兩個經理喺我耳邊不斷sell，美容師就停晒手，我瞓喺度冇辦法，惟有應承買多個萬二蚊嘅plan，希望盡早離開」。但穎穎加碼後，對方卻變本加厲，再施壓要求穎穎每月多付幾百元，強調做VIP會更抵，還誤導她簽新plan後舊plan會取消。穎穎最終受騙幾乎碌爆卡，前後簽了4萬元套票，兩年內每月要還1,600元。
其他受害人經歷亦類似，多是不堪店員車輪式游說，為脫身一再碌卡。穎穎與不少苦主都期望政府考慮為美容預繳套票引入冷靜期：「等我哋可以諗清楚有冇需要買咁貴嘅plan！」
■記者黎家駒