【本報訊】領展宣佈自5月1日起旗下停車場月租租金將平均上調8.2%。領展車場關注組召集人許立燊指升幅不能接受，「以利安邨停車場為例，非固定月租車位租金係$2,620，仲貴過同區沙田市中心希爾頓嘅$2,400，有乜理由公屋車位仲貴過私樓？」
恆安邨居民程先生直指加幅「離譜」，又稱領展管理不善，「我覺得價錢應該同享受成正比，但領展啲車場又污糟又漏水又跌灰，好似啱啱出車我哋都要濺過啲垃圾水，領展又唔去理，我畀2,000幾蚊都係想要個安穩車位啫。」
減固定位 與時租爭崩頭
耀安邨居民羅先生則指領展車場租金「年年都加」，又指不能接受領展將固定車位全數改為浮動車位的做法，擔心要與時租車爭位，夜歸甚至無位泊車。
領展則回覆指因「電費、人工、維修及保養等營運開支持續上升」而上調停車場租金，並會確保預留足夠車位予月租客戶，又稱經調整後的收費仍然合理，「一般甚至較市場為低」。
社區發展陣線組織幹事陳淑淇稱對此事感擔心：「領展將月租形式變成浮動車位，可以睇得出領展𠵱家係無所不用其極咁去賺多啲錢。」陳又指停車場或街市等民生項目或變成領展的炒賣工具，呼籲政府關注問題，必要時政府逐步回購民生項目。
■記者葉偉東
