曼聯中場舒尼達連喺剛結束嘅國際賽檔期冇入選法國國家隊踢友賽，於是就同佢個體育用品店Sales女友卡美莉去法國里維埃拉度假，而且仲求婚成功。卡美莉同周薪12萬鎊（約133萬港元）嘅舒尼達連一齊後，繼續返佢嗰份時薪只有10鎊嘅Sales工作，畀人嘅印象好好，不過佢同舒尼達連結婚後打理頭家，可能被迫放棄工作。另外，有指曼聯打算搵熱刺主帥普捷天奴，而唔係坊間認為嘅摩連奴嚟頂現時領隊雲高爾個位，但唔知係咪愚人節同粉絲開吓玩笑呢？