弊啦！弊啦！郭富城嘅上海女朋友方媛(Moka)，昨日凌晨係微博到失眠喎，但原因並唔係因為太掛住男朋友城城，原來係佢唔見咗個銀包呀！好彩唔係唔見手機咋，唔係咪可能會唔見晒同城城影嘅甜照囉！
昨日凌晨3點幾，Moka就係微博到留言：「居然失眠了！發張今(昨)天工作照~~我想我應該很快就會忘掉丢皮夾這件事了吧！」Moka因為唔見咗個銀包而失眠，唔通個銀包係城城送嘅？好彩唔係唔見手機咋，你知啦，0依家大家都鍾意用手機嚟影相啦！唔見手機，即係唔見好多回憶架嘛！所以好多網友見到Moka話唔見咗銀包，即刻留言安慰Moka，提醒佢記得要補領證件，同讚佢好靚。
但都有好多網民留言批評Moka，有網民就話Moka係微博到話唔見咗銀包，一定別有用心喎，話佢可能見最近人氣下滑，或者又就有電視或電影要做宣傳咁，又問佢銀包係咪有同城城嘅合照；又話佢係咪特登寫俾城城睇，等佢「識做」之類，仲有好多網民話佢啲相PS過度，搞到個面唔對稱之類。
Moka嘅Fans見到呢啲留言都好戥佢唔抵，話人哋唔見咗銀包喺到留言，都係想大家安慰下啫，點解又要比人話佢博宣傳之類嘅惡意批評。