高洪波帶領國足絕地反擊打入世盃外亞洲區最後12強，中國足協亦喺四月一日發表聲明，正式宣佈任命高帥為國足正式教練，繼續領軍出戰12強。另外，中超球會廣州恒大為咗獎勵班國腳球員幫助中國出線，向五位有份喺之前兩場世盃外上過陣嘅球員發放獎金，而喺贏卡塔爾一役入波嘅黃博文，更加拎到特別獎金100萬元人仔，而其他四位隊友各得20萬咋。