踢過巴塞隆拿嘅保加利亞名宿史岱哲高，冇錯係個好偉大嘅球員，但佢嘅人品就好有問題，直頭係變態嗰隻。史岱哲高原來好鍾意打獵，早排一間西班牙公司安排佢同老婆瑪麗安娜去南非進行一場野生大屠殺；而佢兩公婆殺死長頸鹿、斑馬、羚羊、水牛同野豬等野生動物後，仲要將同動物屍體合照掟上網，認真不知所謂。事後保加利亞愛護動物組織Animal Rescue出嚟插爆佢，話佢嘅行為極之野蠻。所謂因果報應，史岱哲高喺非洲殘殺動物，小心最後嗰幾年！