今季F1個排位賽改玩「90秒淘汰制」，但喺首站澳洲站就劣評如潮，皆因去到Q3，啲車手明知自己唔夠平治鬥而揸流攤，令到車迷勁冇癮。原本F1計劃喺第二站巴林站取消「90秒淘汰制」，點知上月尾開完會又決定唔改住，搞到班車手勁不滿；其中法拉利車隊嘅德國車手維特爾就用「雪糕論」寸F1班高層：「你賣緊雲呢拿雪糕，但係啲人嚟你間舖都係想買朱古力雪糕，第日你就開口話應該要賣朱古力雪糕啦，點知最後又係賣雲呢拿雪糕！」至於平治嘅英國「黑帝」咸姆頓亦話唔明係F1班高層諗乜：「班車迷睇得咁唔開心，我唔明點解仲keep住囉。」唔知F1班高層會唔會喺愚人節改番轉頭，畀個驚喜大家呢？（now671台今日7:55pm起直播）