搞開儲印花換公仔嘅7-Eleven，最近由公仔轉玩煮飯仔，同港女至愛嘅法國廚具品牌Le Creuset合作換餐具，重點唔係刀、叉同筷子，而係連餐具附送嘅迷你「花花煲」……造型餐具保護蓋，實唔實用八方就no idea。
雖然今次7-Eleven換嘅只係餐具保護蓋，但餐具保護蓋用上「花花煲」造型，的的骰好cutie，難怪未正式派印花，全套十款嘅迷你鍋造型餐具保護蓋相片已經網上瘋傳（圖）。憑18個印花（購物滿廿蚊送一個）或7個印花加$22，就可以隨機換購7-Eleven x Le Creuset小「鍋」心餐具一款，唔知4月6日朝早開始派印花嗰日，大家係咪瘋狂幫襯？其他換購詳情，7-Eleven嘅fb有晒。