如果喺油尖旺同牛頭角行行吓，見到報攤上有大貓，唔係眼花，皆因香港報販協會全力支持嘅活化報攤計劃，喺上述地區四個報攤，放置咗由本地藝術家設計嘅「吉祥貓」，冀為傳統報攤帶嚟新氣息，兼拓展廣告機會。
主辦單位噚日喺旺角洗衣街報攤為「吉祥貓」揭開面紗（圖），活動策劃人兼香港通泰發展有限公司行政總裁陳冠斌話揀貓做主角，係因為貓有九條命之稱，又被視為吉祥物。
4隻吉祥貓分別擺放喺旺角洗衣街、油麻地彌敦道、尖沙嘴彌敦道同牛頭角港鐵站出口巴士總站報攤；旺角港鐵站出口亞皆老街嘅報攤，就擺放雀鳥藝術品，懷緬雀仔街原址風貌。