【電視風雲】
【本報訊】亞視今晚告別螢光幕，接棒的免費電視新丁ViuTV將於下周三（6日）正式開台。香港電視娛樂總經理魯庭暉自言野心很大、不知天高地厚，「希望我哋出現令所有competitors（競爭者）做得好啲」。他以選舉做例，「只要你屋企有電視機就好似有一票咁，我唔介意你投邊個，最緊要你投票，最驚係有票而唔去投」，認為能否留住觀眾則是電視台責任。
記者：張文鈴
相隔40多年才出現一個新免費電視台，魯庭暉說，「有人問我哋係咪要打低或取代（無綫），完全唔係囉，因為喺一個生態裏面，其實要物種多樣化，例如有獅子、老虎、大豹……加加埋埋先至健康」。他指，不擔心造成同業競爭，「有多個台當然好啦，可以令到同業同自己都進步」，如沒競爭則會變懶，跌入comfort zone（安逸區）。
香港過往免費電視生態是否多元？他只回應「希望ViuTV加入後會更加健康、多元化」，又指站在觀眾角度並非只有兩家電視台，「除了無綫和亞視，對上10年已經有YouTube，廣義嚟講其實都算係免費電視嘅一種，只係大家business model（商業模式）唔同」。
真人騷着重多嘗試
ViuTV以真人騷、實況綜藝節目做主打，魯稱原因是過去香港未有同類綜藝節目做得長久，「我哋唔同嘅地方係着重嘗試，唔會單一嘅男女關係，反而加入多種人與人之間的關係，例如意見分歧、女性、母女、年輕人、價值觀等，相信社會有較多共鳴感」。魯庭暉提到重點節目《跟住矛盾去旅行》充份體現同事的冒險精神，好像曾鈺成和梁國雄，之前有誰想過將這些人放在一起？
ViuTV主打綜藝節目
對於有人期望《跟住矛盾去旅行》出續集，魯庭暉回應「唔會攬住同一個模式唔放，要捨得去突破」。他解釋，突破和創新不是將舊東西全掉，真正的open mind（思想開明）是不要迷信純創新，魯續說：「想創新其實係心魔，乜嘢都唔想同，但可能有啲好嘢都打破咗，例如講母愛，唔通你又創新咩？」
邀請背景不同、意見極端的嘉賓，兩人一組去旅行，如長毛梁國雄與曾鈺成、林日曦與蔣麗芸等。
料廣告仍有發展空間
外界指其廣告費是無綫一成，他稱不能直接比較，「廣告商咁支持我哋，換個講法係識於微時，希望我哋嘅表現超出廣告商預期嘅嘢」。他透露其廣告客戶中有部份從未在其他電視落過廣告，認為仍有發展空間。
當全世界將焦點放在ViuTV與無綫大鬥法，魯庭暉這樣說：「對我來講，現在收視係零，由零到100都係有可能，任何多過零嘅嘢都係進步，所以壓力唔大。唔會話4月（開台）做得好，5、6月就唔做，即使4月反應唔好，之後都係一樣繼續做。」他擔心的是觀眾在下周三、開台的當日忘記追台。
ViuTV小資料
開台日期：2016年4月6日
數碼頻道：99台
資料來源：ViuTV