加利尼維利周三俾華倫西亞炒魷魚，頭尾只係教咗四個月，艾耶斯達蘭會做暫代教練，頂到季尾為止。呢位41歲曼聯名宿帶華倫踢咗28場比賽，成績係10勝七和11負；而佢上任之前，隊波喺西甲排第九，但佢教完之後就跌到落第14位，你話係咪抵死！消息話，華倫準備搵今夏會離開曼城嘅智利名帥比歴連尼嚟教；更加有傳佢哋打算搵摩連奴，但摩連奴教親都係大會，而且講明想留喺英超，就算今日係愚人節，都咪咁大整蠱呀。