開台在即嘅免費電視台Viu TV嘅綜藝節目《跟住矛盾去旅行》，未出街已成熱話，皆因搵到曾鈺成同梁國雄去波蘭，仲有元秋對林日曦，花生指數極高。
前學民女周庭早前話呀，原本會拍前全國政協委員尖啤劉夢熊去日本，但對方官司纏身，最終改為同一個比佢年長好多嘅「傳統建制派男士」出發，但冇講係邊個喎。
呢位神秘男士，終於現身，佢喺fb上載Viu TV訪問佢嘅照片，加咗句：「其中問我對周庭了解有幾多？確實不多，希望稍後可知多一些。」到底係邊個？就係前律師會會長、屯門區議員何君堯喇，佢同時上載一則報道，關於佢囡囡撐泛民仲參加過佔領，所以父女少咗溝通。唔知對住周庭時，佢會唔會好似教女咁呢？