恒生銀行（011）公關一哥張樹槐（Walter）鍾意跑步，上星期日仲喺家鄉東莞參加全馬。前排清遠馬拉松派番𤩹畀跑手笑死人，唔知東莞有冇派呢？佢就話，喺內地跑過咁多次，從來未收過呀。
人稱「水哥」嘅張樹槐話，內地馬拉松一向唔錯，今次東莞跑道好闊，唔怕俾人鬆踭，而且飲食補給相當充足。雖然跑道不俗，不過水哥就唔小心跌親，跑跑下俾路邊嘅貓眼石絆到擦傷咗，不過佢話未起身已經有人扶起佢，覺得好warm，可能家鄉嘅人真係特別親切。
對於之前有報道話，內地人跑馬拉松受傷比率好高，水哥幫手澄清，指內地人跑馬拉松有經驗，傷患比率唔係特別嚴重。
佢跑過57次全馬賽事，遍及廿幾個地方，都未見過有人唔抽筋。佢呢次跌倒都只係小事。