「港姐幫」陳凱琳、蔡思貝及劉佩玥等，喺大台受珍姐力捧，成日坐正做女一。陳凱琳未知係唔係自覺升呢，有傳佢喺大台開工遲到、拍劇早班唔見人，而且又唔聽電話，對工作人員啲態度都唔同晒，比以前更寸嘴。更有周刊報道指，陳凱琳有次開工唔見影，最終個助導要打畀嘉穎先搵到陳凱琳，返到公司又畀說話啲工作人員聽，被人喺背後話佢寸爆，陳凱琳對住傳媒都學晒嘉穎出「官腔」，唔似以前咁有問必答！