西班牙傳媒報道，效力波圖嘅狂牛門將卡斯拿斯，喺上個月20號喺馬德里嘅博阿迪利亞德爾蒙特，同佢拍咗拖六年嘅體育主播女友莎拉秘密結咗婚。消息話，佢哋非常低調，完全冇請到任何一個親戚朋友，淨係喺兩個見證人同埋佢哋個兩歲大囝囝馬田面前簽字結婚，不過就會喺今夏補擺喜酒，開個大型派對同親戚朋友一齊開心。雖然今日係愚人節，不過斷估卡斯拿斯結婚呢單嘢都唔係流嘅。