幾時都話，女人買野、儲嘢係唔需要理由，就算屋企有冇位都好，唔理三七二十一，買咗先算！嚟緊，睇怕又要大出血了，皆因7-Eleven會同「港女煲」Le Creuset crossover推出一套十款的小「鍋」心餐具，每款有一個同色LC迷你鍋及一款不銹鋼餐具或筷子，的的骰骰方便拎出街用。換購方法一如以往，先買滿$20即有一個印花，$30兩個，$40三個，如此類推。不過，想換得齊十款似乎要睇彩數喇，因為要儲齊18個印花先可以免費換，而且係隨機一款；或者用7個印花加$22，亦都係隨機。簡單啲講，想換一款，入場費就係先買$170嘢。各位絲打，畀心機喇！
換購日期： 4月6日至6月21日（全線7-Eleven）
記者︰黃依情
