銅鑼灣書店股東李波回港一日就返內地，建制陣營隨即全力以此作理據，認為事件應告一段落，但有泛民中人指李波等人現身固然是重要，卻非事件重點，關鍵是究竟有否內地執法部門在港越境執法。這個問題不論北京、港府甚至李波亦未有回應，質疑北京及政府不能承認、公開內地執法部門在港活動，至今想不到如何解畫，惟有拖得就拖。
有泛民中人指，內地的國家及公安人員在港活動已非秘密，但他們以往在港活動均有底線，「佢哋嘅活動唔可以曝光、更加唔可以畀人知佢哋做違法嘅事」，所以佔領運動期間，曾有傳媒報道懷疑有社團涉及旺角佔領區衝突，被指背後有國安介入，隨即引起內地中間人十分緊張，「佢哋擔心唔見得光嘅事曝光」。
有不同內地中間人亦向泛民人士承認，有些部門太急進，在李波事件中違規在港辦事，當然不會透露詳情，「但可以幾肯定，李波係畀內地執法單位派人來港挾走」，但對北京而言，這些屬不能承認的事，故此策略是逐步讓李波等人在內地控制下回港，「等市民以為件事已完結，當事人都話唔講嘢，拖下拖下，就忘記追究內地執法部門在港越境執法問題」。
而對泛民而言，北京、港府越要迴避，他們就越咬住不放，「到選舉嘅時候，就可以拎嚟做選舉議題，就算今屆立法會搞唔到，下屆立法會都可以搞，仲可以用呢個議題挾班建制派，要佢哋表態支唔支持跟進」。
季陶
周一、三、五刊出