阿根廷球星美斯早前接受埃及電視台訪問，捐咗自己一對波砵作慈善拍賣（圖），點知喺埃及惹嚟批評，事關對某啲國家嚟講，鞋係侮辱嘅象徵，結果好心做壞事。另外，阿根廷喺世盃外南美洲區分組賽，主場贏咗玻利維亞2:0後，美斯就俾人捉咗去藥檢。效力巴塞隆拿嘅美斯話晒係當今球王，講真，真係係人都會知佢係邊個，但幫佢做藥檢嘅醫生就同佢玩嘢，死都要佢攞出身份證明文件先肯畀佢入。唔好唔記得美斯啱啱比賽完，身上點可能有證明文件呀，結果工作人員要跑去更衣室幫美斯搵。或者係呢個醫生想喺愚人節前玩吓美斯啫。
