李嘉欣昨日在中環出席「愛彼女皇盃」活動，提到早前帶囝囝Jayden到馬房探愛駒一寶：「係囝囝第一次入馬房，佢幾開心，問我幾時再去，佢知道爹哋有養馬，如果想騎馬都會畀佢試。男仔需要鍛煉，唔好嬌生慣養，佢鍾意滑雪同刺激。」嘉欣更大爆兒子秘密：「佢可以同唔識嘅人講好耐家事，冇秘密，細個仲會畫埋畫，都幾尷尬。我唔會講畀佢知我嘅年齡，爹哋年齡都係不詳。」
台灣日前發生四歲女童遭斬首慘劇，嘉欣覺得女童媽媽好堅強：「好得人驚，作為媽咪，喺眼前發生傷口真係好難癒合，係社會悲劇，希望唔好再發生。」會否灌輸兒子安全意識？她認為悲劇沒法防備。
採訪：羅慧敏
攝影：陳俊強