【本報訊】泛民主派以拉布方式成功迫令政府將俗稱「網絡23條」的《版權修訂條例》作罷,卻未能阻止高鐵追加撥款在財委會過關,外界有聲音批評泛民當日只懂「企喺度」。何秀蘭坦承事後翻看會議片段,泛民「做得唔夠好、反應唔夠快」,指泛民當時實可更進一步衝出主席台抗議。
因大聲公錯過表決
當日財委會表決高鐵撥款之際,除新同盟范國威及黃毓民等衝向主席台抗議,多名泛民議員只站在持有大聲公發言的公民黨楊岳橋周圍,被不少人批評。何秀蘭解釋,當時楊岳橋持大聲公發言是希望在主席「熄咪」後,市民可透過電視聽到泛民要求繼續發言的理據,卻因大聲公聲量之大,反令不少泛民議員聽不到代主席陳鑑林已宣佈進行表決,「其實唔少建制派亦聽唔到,所以有人贊成同反對皆舉手」。
何指,不少泛民在建制派舉手後才知錯過表決時間,「嗰一下大家都錯愕咗」,她坦承日後可做得更有效,「我真係會衝出去……要同陳鑑林理論,佢仲未畀我哋提問完畢、佢冇呢個權力、佢要遵守議事規則內嘅主席責任」。
■記者林俊謙