「今年影后應該爭崩頭。」呢句係導演劉偉強講嘅，不過睇睇今年影后入圍名單：湯唯（三城記）、楊千嬅（五個小孩的校長）、張艾嘉（華麗上班族）、林嘉欣（暗色天堂）同埋春夏（踏血尋梅），又真係個個都係影后級，而且喺各自部戲都好有發揮。
第一次拍戲嘅春夏，今次同時入圍新演員同女主角獎，雖然係咁多個女主角中資歷最淺，但喺《踏血尋梅》演嘅援交少女大獲好評，為佢帶嚟導演會以及電影評論學會最佳女演員等獎項，似係影后大熱。不過觀乎歷年香港金像獎，未試過有人同年攞到新演員同女主角，春夏要拎晒兩個獎好似真係難啲喎！聽吓班導演演員點睇先！
楊千嬅：我好驚人講睇好大熱呢啲，好邪架
春夏：我沒有覺得誰是我的對手，第一次拍電影，她們對我來講都是學習的對象，所以完全沒有壓力
劉偉強：其實千嬅喺《五個小孩的校長》我覺得做得幾好，睇完春夏，春夏又做得幾好，都幾爭崩頭。
王宗堯：個人就比較希望春夏攞，唔係唔鍾意楊千嬅，希望新演員就啲突破
黃秋生：千嬅同春夏聽講都做得好好，好難講
嚟緊戲流教主仲會話你知邊部係最佳電影大熱，記得留意！