泰利復出幫英格蘭踢今夏歐國盃決賽周？英格蘭國家隊主帥鶴臣日前表示，喺英超冇啱佢心水嘅左邊中堅，所以唔排除會搵喺2012年九月，宣佈退出國家隊嘅車路士隊長泰利出山幫手。泰利係就係經驗豐富，但經已35歲，過晒巔𥧌，就連車仔都唔要佢，搞到佢今夏要搵新球會。講真，球迷都想見到英格蘭向前，當有聲音要求唔好選朗尼，鶴臣居然想搵個四年冇踢國際賽兼年紀唔細嘅球員出嚟幫手，係咪應節先咁講咋？