唔少人天生有副明星相，好似好孩子國際（1086）新任行政總裁（CEO）Martin Pos，佢升做呢個位兩個多月，望真啲個輪廓，同美國著名演員Tom Hanks都有幾分相似，不過身材就高大好多。
翻查資料，來自歐洲嘅Martin今年45歲，2003年喺德國創立咗第一間分銷與品牌開發公司，兩年後再創立Cybex，專賣高端嬰兒手推車同安全座椅。或者係睇中品牌喺歐美地區嘅知名度，好孩子喺2014年先後收購咗Martin兩間公司，乘機擴大業務版圖。
Martin就喺2014年加入好孩子做執行董事，同年12月獲委任為公司副行政總裁，今年1月中更接替主席宋鄭還，成為公司行政總裁。