日前被網民踢爆去西九放狗時、好冇責任地喺樹下留低狗屎即走人嘅特首梁振英，噚日出席《鏡報》活動時，拒答狗屎問題之餘，又上台大談社會責任。佢今次係出席已故全國政協常委「徐大炮」徐四民基金贊助嘅活動，佢話今次係佢第五次出席，因為覺得個活動提倡企業社會責任好有意義，繼而大談「3P」，話企業為股東賺錢搵Profit之餘，「亦要履行其他兩個P嘅責任」，其餘兩個P，其實係指人群（People）同地球（Planet）。CY之後仲大讚自己，話政府連續兩年從企業收到創新高嘅利得稅，反映香港整體經營情況好好。