林建明（大姐明）日前接受有線娛樂節目訪問，回顧當年主持《今日睇真D》的點滴：「當年幕後精英諗到追新聞尾呢個意念，好有挑戰性。每位苦主都覺得自己最慘，但我哋要持平，有時播出並唔係佢哋想像中咁，就追住我哋鬧。話晒我都係一個藝人，平時受人愛戴，點知拍呢個節目不停畀人鬧。」
提到亞視欠薪風波，大姐明氣憤說：「我聽到好嬲，呢個老闆唔履行自己責任，又唔尊重同事，件事發生咗一段時間，政府遲遲唔伸出援手。」她更促亞視早日結業：「快啲停播，無謂吊命，新投資者根本冇心搞好電視業，只係另有目的，所謂『置之死地而後生』，舊嘅去咗反而有新盼望。」
撰文：陳以晴