【本報訊】一名任職寶石批發的女士，本周一晚在銅鑼灣時代廣場city'super光顧期間，遭一名女賊偷去其放在手推車上手袋內的一部金色iPhone 6 Plus手機。女事主事後向商戶取得閉路電視片段，拍到涉案女賊在數秒間快閃偷走手機，手法純熟，不排除是慣匪，盼警方盡快將女賊拘捕歸案。
事主憂客戶資料外洩
事發在晚上8時許，女事主鄭小姐指當時她在水果區揀蘋果，其間將手袋放在手推車上，「點知我揀揀吓，粒蘋果就跌咗落地下，於是我咪踎低執」，當她回身想在手袋內拿出手機時，即發現手機不翼而飛，慌忙向保安員求助。保安員翻查閉路電視錄影，發現一名穿黑色上衣女子事前在鄭身邊徘徊，並趁她蹲下執蘋果時急步靠近偷走手機，「真係好快，成個過程真係幾秒，個賊已經用兩隻手指黏起部電話走人」。
鄭表示，平日用4位數字密碼及指紋鎖，出事後已到附近的Apple Store尋求協助，「啲職員即刻幫我喺iCloud lock機，亦都試吓幫我用Find My iPhone程式，但都已經搵唔到喇」。她將事件告知上司及客戶，「真係好大鑊，我個電話入面有超過500個clients（客戶）嘅資料，佢哋都係比較有錢嗰堆人」。鄭坦言被偷手機不重要，只是希望機內的資料不會被盜用，她事後已報案。
■記者劉柏麟