CY年薪400幾萬，但喺放假問題上，就同一般打工仔一樣，幾乎逢大時大節都攞假兼外遊。特首辦向立法會特別財委會提交嘅書面答覆中，有一題係由民協馮檢基提出，問CY上任以來拎咗幾多假，得到嘅回覆係由2012年7月1日至今年2月29日，共攞假13次，合共51日。
到底在任3年幾、拎51日假算唔算多呢？八方睇番首任特首董建華（圖），在任8年攞咗59.5日假，而任內被揶揄為「離岸特首」嘅曾蔭權，在任7年放咗89.5日假。
計番每年平均數，老董平均一年放7.4日，煲呔約12.8日，CY就超越前兩任特首，平均一年就放咗13.9日。