【本報訊】喜歡煲劇的商業電台DJ唐劍康（Donald）大部份時間都是看收費電視，因為自己可以有選擇權，但選擇雖然多得看不完，每月收費電視開支卻要400多元，所以仍要「睇餸食飯」。
選擇雖多 「要睇餸食飯」
Donald說：「我主力睇now，自己可以執單，執自己鍾意睇嘅節目，國家地理頻道、電影台、劇集台。」近日他又訂了Netflix，追《夜魔俠》、《Unbreakable Kimmy Schmidt》等劇集，「喺APPLE TV睇仲正，又有字幕，好暢順，重要睇唔晒，撞鬼」。
「雖然有好多選擇，都要睇餸食飯，每月now三百幾蚊，再加Netflix，都幾十蚊㗎，（總共）要四嚿水。」Donald又說以前看now有訂MTV台，但後來發現歌手MV上網都看到，不用靠電視，所以轉訂霍士電影台。
至於免費電視，他沒有完全放棄，但只會在空閒時才上網翻看。他也會看無綫J2，因為有幾多驚喜的旅遊、綜藝節目。而本地電視劇，他會揀演員才看，「例如黃秋生做電視劇，梗係睇」。他又表示，不會用手機煲劇，「個電話屏幕幾清、幾靚都好，浪費咗心機，盡量駁上電視睇，而且耷低頭睇，對條頸唔好」。
■記者麥志榮