飯前飲？飯後飲？幾時飲湯最適合？記者屋企習慣飯前飲湯，但有朋友就喜歡飯後飲湯，事關「飲到飽晒食唔落飯。」在健康角度，到底前飲後飲有甚麼分別？
根據營養師所講，如果飯前飲湯，可以令口腔和食道滋潤，亦可以提醒腸胃開始分泌消化酵素，更容易稀釋，攪拌食物，促進吸收。相反，如果飯後飲湯，湯落到胃中，會令消化中的食物再次被翻攪，影響消化吸收。飯前飲湯，可以增加飽肚感，減低食慾，所以減肥中的男女，記得飯前飲湯喇。記者：李聰