向來性感的唐紫睿（Hazel）早前參加ViuTV真人騷節目《G-1格鬥會》轉型做打女，日前她在銅鑼灣接受訪問時謂：「呢半年比賽令我成長好多，原本我係個零運動嘅人，中途都諗過退出，好憎呢個節目，一生做一次就夠，第二季？唔好搞我！」Hazel坦言：「我都好佩服𠵱家呢個唐紫睿，好多人會問係咪真打？總之呢個節目會令你哋震驚。」
八個女仔易有是非，還要對打，Hazel說：「有是非係好，都係宣傳，冇可能八個女仔都好friend。不過宣傳節目嗰陣，對嗰啲女仔已經冇乜感覺，冇做朋友嘅就各自修行。」她直指太多是非，對於演員不是好事：「所以我唔會講指定一個人，我唔想啲導演聽到Hazel就係多是非，到時睇比賽啦，睇我點以牙還牙。」
採訪：盧妹
場地：hmv Bar & Restaurant