亞視死期將到，後日晚便要熄機，面對熄機一刻，有人選擇開着電視送它最後一程，也有人懶理大覺瞓。
林韋辰：
嗰一刻，我可能會喺屋企開住個電視，送亞視一程。
杜汶澤：
一般我都好早瞓，我應該瞓咗。只希望政府可以開放廣播媒體，觀眾多啲選擇，亞視嘅舊同事有多啲工作機會。
劉錫賢：
亞視熄機嗰日，我好忙，由早到晚都接晒訪問，除有線，仲有報紙雜誌，一定會見證住熄機一刻。
朱慧珊：
咁夜我可能瞓咗覺，就係唔想睇住佢熄台，覺得好欷歔。
魏秋樺：
我一定會送別，當晚出席有線特備節目，一齊見證亞視結束，緬懷吓。
盛品儒：
當日可能要開會，但熄機一刻會開住電視睇亞視。