禮拜四谷草賽事用C加3跑道，睇番最近3月2日同一移欄，四場中距離賽事分別有「自成一格」、「金叻星」及「歡樂小子」居中後上勝出，反而餘下四場1000及1200米頭馬全部守前四位入直路建功，故此短途可秤先具前速之馬匹，中長途就要留意靠後勁食糊之馬匹。今戰列陣馬中，七場「越影」上仗正是於3月2日谷C加3欄贏馬開齋，勝後等番同一移欄再跑，睇部署有心想添食。另外，尾場「人和家富」跑谷草C加3欄一次即勝，亦係全場唯一贏過此移欄之參戰馬，用蔣嘉琦減磅擺前走有力帶到。