談到兩個孫仔，洪金寶一臉慈祥祖父樣，他認為教導孫兒應該交給兒子洪天明負責，他說：「我點都係𠱁，畀面色、罰就交畀爸爸做。」會否讓兩個孫仔習武？洪金寶說：「習武一定畀，我教少少啦，但如果要練到好身手，我一定交畀其他人教，如果練得太嚴，郁佢兩下，佢哋以後唔見我，我就慘喇！」華仔則透露：「我老竇以前教車，但佢教唔到我哋，都係搵外人教，鬧喎，反面㗎嘛！但教車師傅鬧就冇得講。」