樓價高企、年青人租唔到樓住，並唔係香港獨有，連美國三藩市亦有相同問題！
一名25歲後生仔Peter Berkowitz，原本想同朋友分租一個兩房單位，不過，以三藩市樓價而言，原來想要間房都租唔起！所以佢租咗客廳一角，無錯，係一個「角凹頭」，每月租金400美元（約3120港元），仲整咗個「棺材睡房」放咗係廳，佢認為，至少比起一張床更有私隱同個人空間。
「棺材睡房」其實係一個巨型木箱，成本要1300美元（約1萬港元），聽落好似妹仔大過主人婆，不過，每月攤開計，每月連租金大約508美元（約4000港元），相較三藩市一房單位月租3460美元（約2.7萬港元），其實已經好划算！