李波這套戲，似乎妄想可以學「十年」，不斷十八區loop播，盲嘅都認，真係睇到！
應該落畫的百分百爛戲，點解還要霸佔傳媒畫面？導演（難道係姓王的賤精？）以為李波做主角，會贏古仔！青雲！秋生！以為不時曝光，四萬咁口，就會紅過杜汶澤、王宗堯，做到港男代言，促銷洗頭艇？
出禁書而發財的，對演技從無研究，公安應該落本，在賓館請飲番茄汁的同時，搵中央劇組緊急操練一下男主角。對白不止流暢，還要嗒落餘音嫋嫋，甚至有周星馳式金句，這樣才夠戲劇性，師奶阿嬸睇到吊癮，唔捨得轉台，追住劇情發展，成功轉移視線，順利將強力部門蝦碌出醜的瘀事掩飾過去。
如今將李波中港兩邊踢來踢去，不斷生硬重複台詞，當香港觀眾是什麼？咖喱魚蛋的後裔嗎！接下來，希望中央加大力度，訓練超貼李波身那位陳生，雙雙入戲，偷蝙幅俠和超人條橋又得，抄「選老頂」都掂，實實在在，全公安男班勇武出場，演一齣CCTVB拍不來的依法治國超級爆肚喜劇！