實習嚟講，如非夠幸運，一般而言，很多時都工作細碎又無聊，最慘係人工低（然後有人會跳出嚟話，你有人工已經好好）。但美國嘅World of Beer呢份實習就認真筍，工作內容係要你去旅行，嘆勻唔同嘅啤酒加美食，各地嘅啤酒節更加係一定要去。然後你就用社交媒體和博客為World of Beer向全世界講返你旅行嘅經歷，以及你嘆過咩風味嘅啤酒。而且如果請咗你，仲要有人工收添，再加12,000美元旅行津貼。不過呢個申請做實習嘅期限，去到3月26號時間就截止喇，如果你有朋友喺美國讀緊書，不妨叫佢去試下。又或者如果你真係好想做嘅話，自己申請都得㗎。而且就算最後無聘用你，只要有得去見工嘅話，現場都會有免費啤酒提供！
資料來源：My Modern Met
記者：黃力