賭王何鴻燊四房千金何超盈和超欣姊妹情深，何猷亨則跟女友陳瀅蜜運形影不離，原來四人趁復活節假期，齊齊去了馬來西亞吃喝玩樂。前晚讀者伍小姐透過本報「爆相爆片」報料，分享幾張何家千金在當地Greyhound Cafe的相片。
小情人隨後到場
着白裙露腿的超欣戴黑框眼鏡，十分清純，伍小姐接受訪問時說：「夜晚8點，超盈同超欣喺餐廳同朋友食飯，一入店就俾人拉住超盈影相，猷亨同陳瀅之後先嚟到，佢哋兩個表現好興奮，超盈同陳瀅好friend，一齊同咗另一個女仔影合照。」影完相就一行四人離開。
而超盈前晚在社交網貼跟Greyhound Cafe老闆的合照，更大讚店內的甜品好味，不過就沒有貼與弟弟猷亨及其女友陳瀅的相片，似乎想為弟弟低調戀情和行蹤保密。不過，之前陳瀅已獲四太梁安琪開綠燈，帶她跟子女出席活動，又不介意陳瀅參與她的生日派對，陳瀅現又跟超盈和超欣姊妹齊齊去馬來西亞，證明她跟未來姑奶和姑仔的關係很好，完全融入男友家。
四太接受新抱茶
之前有報道指95歲的賭王恨飲新抱茶，孝順仔猷亨為成全父親心願，將跟拍拖未夠一年的陳瀅閃婚，不過四太幽默回應：「閃婚？我以為『閃』去第二度結婚咁解，作為父母冇贊成或反對，最緊要睇佢哋相處，只要到咗適婚年齡就結得，我冇意見。」陳瀅似乎有望做賭王新抱。
採訪：唐如
