巴洛迪利今季俾利物浦借番去AC米蘭，表現完全唔掂，A米唔止一次表明唔打算買斷佢。紅軍一直都想將佢賣走，不過要喺歐洲搵到間球會出得起咁上下轉會費接收巴神，真係唔容易；但機會話嚟就嚟，今季季前狂使錢嘅中超球會江蘇蘇寧，有傳打算喺今夏收購巴神，仲會開出一份年薪成1,500萬歐元（約1.3億港元）嘅合約畀佢。有球會肯要呢位高薪低能，睇怕紅軍就算收唔番太多轉會費都肯制。