【本報訊】假日長洲賓客人數多，有長洲居民怨聲載道，指渡輪逼爆、船期混亂，不少居民更在網上抱怨旅客湧入令長洲居民「人人捱貴飯，有家歸不得」，對居民出入造成不便，「真係黐×線㗎，搭出去都好難呀」，有居民建議船公司應讓居民優先上船；亦有居民指已對長洲假日人潮習以為常。
與網民掀罵戰
昨日，中環碼頭及長洲碼頭均出現長長人龍，胡先生亦趁好天氣便與家人到長洲遊玩散心，他坦言：「冇乜地方好去，咪過嚟呢面玩吓。」另有家長專程攜同子女到長洲沙灘玩樂，盡享天倫樂，但在離去時，卻要等逾20分鐘才能入閘。
不過，長洲居民卻有不同感受，facebook群組「長洲人長洲事 All Things Cheung Chau」有大量居民留言訴苦，指「長洲人返長洲要同遊客一齊排隊，多麼可笑」、「難得紅日放假，想出街食少少嘢，人又多又冇位，都唔知啲人死入嚟做乜，有金執咩」。有居民呼籲市區居民不應盲目前往長洲，卻惹來網民反駁，最終出現網上互罵。
居民Anthony Hung在網上建議船公司讓島民優先上船，「但奈何點反映都好，政府同船公司都依然故我，我們是否只能接受？」有人更表示，每逢假日船期混亂，「新渡輪不如將假期嘅船期改改佢，註明：航班將會亂×咁嚟！」
但亦有居民對人潮欣然接受，劉先生指已習慣此情況，對有人要求設居民優先上船，他指「冇乜所謂，我自己會因番時間搭船，冇乜太大影響」。居民羅先生亦認為「搭船都唔係難，都好密船」。
■記者紀靜雯、馬志剛
遊人及居民心聲
【食嘢為主】
遊客 傅小姐：
「唔想困喺迪士尼同海洋公園，所以嚟行吓，以食嘢為主。」
【冇地方去】
遊客 胡先生：
「今日天氣咁好，又有幾日假，冇乜地方好去，咪過嚟長洲玩吓。」
【有利有弊】
居民 鄭先生：
「咁多人嚟都冇辦法，做生意梗係人多好啲，對居民就有利有弊。」
