今屆里約奧運負面新聞一單接一單，寨卡病毒仍未解決，又輪到奧運場館未搞掂，今次仲連累香港獎牌希望李慧詩（Sarah），事關香港單車隊總教練沈金康原定下月底同Sarah一齊去里約熱內盧出戰奧運場地單車測試賽，一來試吓新場，二來測試吓適應時差嘅能力，點知位於奧運村嘅場地單車場，𠵱家話要到五月底先完工，里約奧組委話會取消測試賽，六月只叫巴西車手落場試吓計分系統就算，真係咁都得？