【本報訊】本港老食店又少一間，開業42年，以花膠扒，斧頭扒馳名的美式餐廳灣仔樂意扒房不敵加租，本月31日（周四）正式結業。東主楊家兄弟決定捐出沿用30年依然實淨的木製卡座，暫定結業當天只做午市，晚上扒房招待親朋好友開最後派對。
踏進樂意扒房（Louis'Steak House），紅格仔枱布，木枱木椅木天花板，見證着1986年由中環搬到現址告士打道馬來西亞大廈的發展。市面盛傳業主加租兩成至30萬元，但身兼主廚的其中一名餐廳東主，五哥楊大程（68歲，William）卻不置可否，只稱「香港地，唔講錢就冇嘢傾，大家都驚賺少咗！」不無感慨。至於捐出的木卡座是30年前木工即場精製，至今仍耐用，而廚房爐具將捐贈教會。
生於戰時的楊家兄妹5男2女，男丁投身飲食業，取名樂意亦與大哥有淵源「Louis係我大哥母校St Louis School（聖類斯中學）嘅意思！」楊家大哥本獲香港大學取錄，但家貧棄升學做保險。1974年，五哥工作的餐廳結業，提議兄弟班頂手做老闆，他們向銀行貸款及投資60萬元積蓄。當年，美孚新邨單位只售10萬元，但因1973股災大蕭條影響蝕足兩年。大哥再向銀行貸款5萬，並推出信用卡優惠度過難關。
日賣800件牛扒
樂意走中高檔路線，靠靚食材打出名堂，現時午餐西冷牛扒索價160元大受附近行政人員歡迎。馳名斧頭扒取自美國；豬手則由德國運來，創於上世紀90年代的招牌「花柳餐」，即花膠併牛柳，售價由680至近千元。
1986年搬至現址，樂意踏入黃金時代，90年代，政府官員常辦歡送宴，一晚4、5萬元生意，但收入用作還債「之前蝕咗200萬，還到90年代尾！」回歸後生意滑落，2003年沙士時每晚只有3、4枱客。2007年大哥去世，交付4名弟弟接棒。去年，結業消息傳出，新知舊雨重臨，每天賣出牛扒800件。結業在即，五哥說未來「返新西蘭釣魚！」但半世紀經營的生意始終依依不捨，道別那刻，他說希望有天重整旗鼓，跟熟客再聚首。
■記者潘婉玲
