昨日機場好熱鬧，下午2時30分要接新婚的楊怡和羅仲謙，4時30分再有剛與方力申分手、忽然傳出變sheshe的鄧麗欣。一對喜、一個悲輪住返港，吸引過百傳媒雲集機場A、B閘。霸頭位、set機、棟咪牌，走位是常識吧！
下午4時10分在停車場送完羅生羅太上車，記者拎住成手架生，滾水淥腳跑返閘口等Stephy出現。試想想，百幾人在機場齊齊跑200米何其壯觀！一直拎着手機上網做直播的記者，此時已攰到手心冒汗兼手震，終於見到主角Stephy出現啦，身邊還有四個西裝男傍實，此時記者一擁而上，一串串十足廣告牌的咪牌亦早已嚴陣以待。
採訪：徐錦池