真係睇到，港隊對卡塔爾最後八分鐘就抽到水，狼特連波皮都無掂，用上帝之手一po，在fb瞬間獲得N咁多個嬲！get嬲男，無得鏈，梁振英認第二無人敢認第一！
波是圓的，李波卻不是圓的。對住欽點到場採訪的傳媒八分鐘的自白後，又像波一樣，滾流回去接應的中港牌七人車上，通關直趨內地去了。球迷一睇就明，it isn't Hong Kong，沒有英雄龍門，沒有驚人鬥志，李波呢場，唔係輸兩球咁簡單，會一直輸下去！
同是姓李，叫做沙皇的，口出毒言，完全無球品，落場無耐，做足多場大騷，可是在「下任特首四重彩」中，一個字都冇中！未來這一年，姓李的，肯定用自己方式，將HKU個場踩扁踢殘，繼而搭上忽得黑社會，在校園核心傾倒泥頭，沙宣道山，上馬動土！陳文敏、馮敬恩以至梁天琦這幾間鐵皮屋，無得留低！李沙皇最後的八分鐘，雞聲四起，隨時會累梁振英攞紅牌。輸就一齊輸，預祝他倆兄弟累鬥累，出局！好走！
香港經濟二十年最差，受難的是市民，梁振英想甩難復活？有咁着數？同佢講耶穌都多餘，動手吧。