據英國傳媒報道，今季戰績麻麻嘅曼聯諗住喺夏天踢走水貨，頭號目標更加係上年以2,500萬鎊（約2.7億港元）身價引入嘅迪比（圖）！而中場舒尼達連、飽受傷患困擾嘅守衞菲爾鍾斯同馬高斯盧祖都榜上有名。紅魔似乎想重建球隊，今季亦提升咗唔少小將，其中18歲新星拉舒福特八場入五球表現搶鏡，但講求紀律嘅領隊雲高爾就覺得佢未有資格用訓練場一隊嘅更衣室，要佢繼續用U21更衣室。