恭喜恭喜！陳偉豪嘅太太Hana喺噚日朝早誕下一名男嬰，成為第二任爸爸嘅「大豪」喺facebook先多謝老婆呢10個月嚟咁辛苦，然後再上載同「細佬」嘅合照，仲話唔使問，細佬唔似佢，似阿媽喎。大豪最近受傷，唔知算唔算因禍得福，去唔到卡塔爾，反而呢幾日都可以陪住老婆。佢話會搵專人幫細佬改名，而榮升哥哥嘅景堯話好happy，緊張到唔知講咩！而前日傑志守將唐建文都生咗個女，改咗名叫唐羽程。